2. Vergil Aeneid 4.1-14

 

At regina graui iamdudum saucia cura

uulnus alit uenis et caeco carpitur igni.

multa uiri uirtus animo multusque recursat

gentis honos; haerent infixi pectore uultus

uerbaque nec placidam membris dat cura quietem.                       5

postera Phoebea lustrabat lampade terras

umentemque Aurora polo dimouerat umbram,

cum sic unanimam adloquitur male sana sororem:

'Anna soror, quae me suspensam insomnia terrent!

quis nouus hic nostris successit sedibus hospes,                               10

quem sese ore ferens, quam forti pectore et armis!

credo equidem, nec uana fides, genus esse deorum.

degeneres animos timor arguit. heu, quibus ille

iactatus fatis! quae bella exhausta canebat!

 

  1. Give the general meaning of this passage in FIVE coherent sentences.
  2. Scan lines 11-12 and read them aloud.
  3. How does the poet emphasise Dido’s mental state in this passage? Refer to at least THREE different kinds of literary and rhetorical technique.
Powered by liveSite Get your free site!