Cenabis bene, mi Fabulle, apud me
paucis, si tibi di fauent, diebus,
si tecum attuleris bonam atque magnam
cenam, non sine candida puella
et uino et sale et omnibus cachinnis.
haec si, inquam, attuleris, uenuste noster,
cenabis bene; nam tui Catulli
plenus sacculus est aranearum.
sed contra accipies meros amores
seu quid suauius elegantiusue est:
nam unguentum dabo, quod meae puellae
donarunt Veneres Cupidinesque,
quod tu cum olfacies, deos rogabis,
totum ut te faciant, Fabulle, nasum.

Discussion Questions


  • What conditions will have to be met if Fabullus is to dine well?
  • What does Catullus have to offer? Why does this create ambiguity in the poem?
  • Discuss the notion of 'friendship' in this poem.
  • Discuss the ways in which Catullus plays with the idea of reciprocity in gift-giving in this poem.
  • What is the role of the puella in this poem?


Powered by liveSite Get your free site!